Kanë mbetur edhe 2 vite nga starti i Kupës së Botës “Katar 2022″, kanë filluar të behen gati edhe stadiumet që do presin ndeshjet e këtij kompeticioni kaq të rëndësishëm.
“Education City”, stadium pranë Dohas, që është i treti më i madhi ndër arenat që do të mirëpresë Kampionatin Botëror është ndërtuar i gjithi dhe tashmë është gati. Me nofkën “Diamanti në shkretëtirë” ky impiant pret deri në 45,350 spektatorë. Ky stadium është i treti që është përfunduar deri tani pas “Khalifa International Stadium” dhe “Al Janoub Stadium”. Arena e re është projektuar me arkitekturë arabe dhe do reflektojë dritën e diellit. Fasada e stadiumit ka forma të disa trupave gjeografikë të cilat do ndryshojnë ngjyrën kur mbi to të bie dielli. Sipas zyrtarëve të këtij shteti, ky stadium do jetë edhe një vlerë e çmuar për vendin.
