Është një person që i serviloset pushteti, e ha propagandën kollaj apo një lajthitje momenti, mund ta quajmë si të duam këtë veprim të avokates Eni Çobani. Drejtuesja e rubrikës “Shihemi në gjyq” te “E diela shqiptare”, së fundmi ka komentuar në një postim të kryeministrit Rama në Facebook, ku propagandonte se “së bashku me një skuadër speciale të policisë sonë dhe në bashkëpunim të ngushtë me partnerët italianë, ministri ynë i brendshëm po përcjell në këtë moment Alvinin në ambasadën italiane në Beirut”.
“Bravo, e bindur që ka shtet”, ishte një pjesë nga komenti i Eni Çobanit duke e marrë si të mirëqenë gënjeshtrat e Ramës, pasi e vërteta e zbardhur nga mediat italiane tregonte tjetër gjë ku sipas tyre gjithçka ishte planifikuar dhe zhvilluar nga autoritetet italiane, dhe autoritete shqiptare thjesht sa u informuan. Por duhet kujtuar dhe mbyllja e telefonit nga ana e ambasadorit, kur u telefonua nga gazetarët të emisionit “Le Iene” të cilët i kërkuan ndihmë për nxjerrjen e Alvinit nga kampi, por siç duket avokate Eni Çobane median e vetme për t’u informuar paska ERTV-në.
“Bravo ky eshte vullneti kur politika i sherben qytetarit me devocion dhe profesionalizem. E lumtur per Alvinin por e bindur qe ka Shtet.” – komenti i plotë i Eni Çobanit në postimin e kryeministrit, por që ka marrë një reagim të ashpër nga ana e komentuesve.
Me dhjetra qytetarë kanë replikuar te komenti i saj, ku s’janë aspak dakord me të dhe komentin e saj e quajnë si një servilosje dhe lëpirje ndaj pushteti. Lexoni disa prej komenteve më poshtë:
