E duan Milan e Monza, media italiane befason me zgjedhjen e Ibrahimovic

Emri i tij është lakuar në shumë skuadra, por duket se fati i tij është vendosur tashmë. Zlatan Ibrahimovic mund të tërhiqet nga futbolli i luajtur. Sulmuesi suedez lidhet me një kalim te Milan, Bologna apo dhe Monza, por mediat italiane zbulojnë një tjetër alternativë. Sipas asaj që shkruan “La Republica”, 38-vjeçari mund të pensionohet. Është ende një ide merkatoje, megjithatë, diçka e tillë nuk besohet të jetë totalisht jashtë normales. Eksperienca e gjatë në fushën e blertë, por edhe blerja e aksioneve të klubit suedez, Hammerby e bën Zlatan të mendojë më të mirën për fizikun e tij.