Një ngjarje e rëndë u regjistrua ditën e sotme në qytetin e Sarandës, ku një e mitur ukrainase, u dërgua me urgjencë nga prindërit në urgjencën e qytetit e me pas ne Tirane, për shkak se kishte marrë një mbidozë ilaçesh.
Në lidhje me këtë ngjarje ka folur edhe mjekja e shërbimit të pediatrisë në spitalin “Petro Nako” në Sarandë, Eranda Andoni, e cila ka njoftuar se e mitura nga Ukraina, e cila mori doza të larta ibuprofeni, është në gjendje të mirë shëndetësore.
Ajo thotë se vajza kishte pirë 5 tableta 400 miligramshe ibuprofen të cilat ia kishte dhënë gabimisht e ëma në vend që t’i jepte loperamid pasi e mitura ishte me diarre.
Mjekja tregon momentin që kur erdhi e mitura në urgjencë e deri në dërgimin e saj me helikopterë në Tiranë.
“Vajza kishte rreth 2 orë që i kishte konsumuar tabletat Ibuprofen, 5 të tilla me nga 400 mg secila. Ia kish dhënë e ëma. Erdhi e topitur dhe me dhimbje të forta barku që ta jep intoksikimi nga Ibuprofeni”, ka thënë mes të tjerave mjekja pediatre, ndërkohë që nga interesimi i saj në spitalin në Tiranë ka mësuar se 12-vjecarja është e stabilizuar.
