Dy shtetas të huaj janë arrestuar nga policia në Poliçan pasi janë kapur duke fotografuar uzinën e vjetër të armëve. News 24 raporton se kemi të bëjmë me dy persona nga shtete të ndryshme europiane.
Forca të shumta të Policisë, Forcat e Ndërhyrjes së Shpejtë dhe Policia Ushtarake kanë mbërritur në vendngjarje, ku ndodhet edhe drejtori i Policisë së Beratit.
Kujtojmë se ngjarja vjen vetëm një ditë pas incidentit në uzinën ushtarake të Gramshit, ku u ndaluan dy shtetas rusë dhe një ukrainas që tentuan të hynin brenda zonës së ndaluar.
