E gjithë bota ka thuajse një vit që po lufton me pandeminë e koronavirusit, ndërsa kompani të ndryshme po punojnë që të sjellin vaksinën për të rikthyer jetën normale. Rastet e para u paraqitën në qytetin kinez Wuhan, por duket se po tentojnë të shesin pandeminë sikur e kishte origjinën në një tjetër vend.
“Wuhan ishte vendi ku u zbulua për herë të parë koronavirusi, por nuk ishte aty fillimi. Megjithëse Kina ishte e para që raportoi rastet, nuk do të thotë domosdoshmërisht se virusi ka origjinën në Kinë. Gjurmimi i origjinës është një proces i vazhdueshëm që mund të përfshijë shumë vende dhe rajone”, tha Zhao Lijian në një konferencë. Shkencëtarët kinezë kanë paraqitur një letër për botim në Lancet që pretendon se koronavirusi nuk doli nga Wuhani, por sugjeron se ishte nënkontinenti indian që shkaktoi transmetimin e Sars-CoV-2 nga kafshët tek njerëzit.
Edhe gazeta zyrtare e Popullit “Daily” pretendoi përmes një shënimi në Facebook javën e kaluar se “të gjitha provat në dispozicion sugjerojnë se koronavirusi nuk filloi në Ëuhan të Kinës qendrore”. Megjithatë mbetet e paqartë se ku është origjina e virusit dhe si nisi përhapja në mënyrë masive e rasteve të reja, por ajo që po presin të gjithë është vaksina.