Një lindje e pabesueshme.
Një vajzë e vogël, ka lindur nga vullneti i mjekëve të spitalit të Universitetit Brno në Republikën Czecheke.
Nëna e saj, një vajzë 27-vjeçare, vdiq 117 ditë më parë. Mjekët kanë mbajtur ‘gjallë’ funksionet e saj jetësore dhe kanë arritur të lindin fëmijën që është mirë.
Në fakt ka rreth njëzet lindje të tilla në botë, por këtë herë është koha më e gjatë dhe pesha më e madhe e fëmijës (mbi dy kg), që e bëjnë rastin të duhurin për ‘Nobel’.
Nëna ishte në javën e gjashtëmbëdhjetë të shtatëzanisë, kur u gjet pa vetëdije në shtëpi dhe u transportua me helikopter për në spital. Pavarësisht se po atë ditë fryma e 27 vjeçares u ‘shua’, mjekët e klinikës së Anestezisë dhe kujdesit intensiv në Spitalin Universitar Brno dhe në Fakultetin e Mjekësisë të Universitetit Masaryk së bashku me gjinekologët, bënë çmos për të stabilizuar funksionet jetësore të pacientes dhe kështu arritën të mbronin fetusin e nënës.
Trajtimi kompleks i ringjalljes afatgjatë, i cili përfshinte monitorim të thelluar të funksionit të zemrës, mushkërive dhe veshkave, bëri të mundur lindjen plot shëndet të fëmijës.
