Një histori mjaft e pazakontë është sjellë pasditen e sotme në emisionin “Ftesë në 5” të Bieta Sulos.
E ftuar ishte Ajlin Alfredaj, një nënë 28-vjeçare nga Tropoja, e cila tregoi historinë e saj.
Ajlin është nënë e 7 fëmijëve, 3 binjakëve dhe një vajze të vogël 1 vjeç e gjysmë.
28-vjeçarja tha se është mjaft e lumtur kur e sheh shtëpinë e saj plot me fëmijë, pasi familja e saj ka krijuar një rutinë që i sjell vetëm dashuri pafund njëri-tjetrit.
Megjithatë, ajo nuk mbetet vetëm një nënë e përkushtuar.
Me këmbënguljen e saj, Ajlin ka arritur që të mbarojë edhe dy fakultete.
Teksa tregonte historinë e saj, 28-vjeçarja tha se me pak sakrificë dhe vështirësi çdo nënë mund ta gjejë kohën për t’i bërë të gjitha.
