Një situatë e pazakontë është regjistruar në një spital në Kosovë. Në Qendrën Emergjente në qytetin e Gjilanit ekrani i cili supozohet të shërbejë për qëllime informuese të qytetarëve, po përdoret për të dëgjuar muzikë.
Në videon e siguruar nga Gazeta Express, duket qartë se si në ekranin që ndodhet në sallën e pritjes së spitalit shfaqen pamje të një kënge në Youtube. Në ekran shihet se butoni “autoplay” është i aktivizuar, që nënkupton se videot tjera me muzikë do të lëshohen menjëherë pas përfundimit të këngës që shihet në video.
