Ronald Koeman ka bërë deklaratat e para derisa pret të finalizojë marrëveshjen me Barcelonën. Ronald Koeman nuk e fsheh dëshirën e marrjes së postit të trajnerit të Barcelonës.
Selektori i Holandës gjendet në vendlindjen e tij për të definuar shkëputjen e marrëveshjes me Federatën para angazhimit te skuadra katalane. Në largim nga selia e Federatës, Koeman u deklarua për kamerat e televizionit NOS, transmeton lajmi.net.
“Tani është momenti për të pranuar ofertën si trajner i Barcelonës. Do të më pëlqente, por ende nuk ekziston një marrëveshje definitive, mungojnë nënshkrimet e kontratës. Kjo është koha kur gjithqka është 100 për qind”, u shpreh ai. “Nuk mund të them asgjë më shumë derisa nuk është definitive. Nuk mund të them asgjë më shumë”, theksoi Koeman.
