Një ngjarje e rëndë ka ndodhur në Bulqizë, ku një grua ka humbur trenjakët e saj që mbante në bark.
Gruaja e re me inicialet E.Rexhepi, ka humbur trinjakët e saj si pasojë e udhëtimit të gjatë që ka bërë nga fshati ku banon deri në spitalin e Bulqizës, ku sipas denoncimeve nuk ka as mjek gjinekolog dhe as sallë operacioni.
Fëmijën e parë E.Rexhepi e ka lindur vetëm me asistencën e infermieres, por ka hasur vështirësi për dy foshnjat e tjera dhe gjithçka ka shkuar keq, pasi të tre foshnjat kanë humbur jetën.
Mësohet se nga Tirana ishte nisur një staf mjekësor, por fatkeqësisht shumë vonë për 3 jetë të reja që nuk erdhën gjallë në këtë botë.
Sipas medias lokale “News 365” thuhet:
“Burimet nga spitali tregojnë që të tre fëmijët nuk kanë mundur të mbijetojnë. Ndërkaq mësohet se gjendja e gruas është e stabilizuar dhe për momentin jashtë rrezikut. Ajo ka ardhur nga një zonë e thellë e Bulqizës, Ostreni, i është dashur që të udhëtojë me kalë rreth një orë, atëherë një makinë e zonës e ka sjell në spitalin e Bulqizës. Sipas dëshmive të para, gruaja ka thënë se ka qenë duke kryer punë bujqësie të rënda deri kur i kanë nisur dhimbjet e lindjes që është nisur në spital.”
Kjo është një goditje e rëndë për shëndetësinë shqiptare dhe për mbarë qeverinë. Si mund të vdesin tre foshnja, së pari nga mungesa e infrastrukturës dhe e dyta nga mungesa e mjekëve?!
Pse nuk është dërguar helikopteri i urgjencës kombëtare? Kush mban përgjegjësi për këtë vdekje të trefishtë?!
