Ka ndërruar jetë si pasojë e infektimit me Covid ish-kreu i Këshillit të Qarkut Elbasan, Kozma Hakani. Mësohet se Hakani ndërroi jetë ditën e sotme pas dy javësh beteje me virusin në spitalin “Shefqet Ndroqi”.
Kozma Hakani ka qenë gjithashtu dhe drejtor i Arsimit në qarkun e Elbasanit, për 40 vite me radhë ai punoi në sistemin e arsimit në shkolla të ndryshe të qytetit të Elbasanit. Situata e pandemisë në vend vijon të jetë tepër problematike, ku numri i rasteve të reja dhe viktimave prej virusit Covid-19, ka pësuar një rritje galopante ditët e fundit. Kujtojmë se vetëm gjatë 24-orëve të mëparshme kanë humbur jetën12 qytetarë, ndërsa vihet re që ka rënë edhe numri i infektimeve në krahasim me një ditë më parë. Janë kryer 1948 testime, nga të cilët kanë rezultuar pozitivë 557 qytetarë. Për sa i përket qytetit të Elbasanit, numri i rasteve të reja që u regjitruan gjatë 24-orëve të fundit kap shifrën, ndërkohë që rastet aktive kanë shkuar në 841.
