Është përfshirë nga flakët një masiv pyjesh në Urën Vajgurore. Zjarrfikësit ndodhen vendngjarje dhe po punojnë për shuarjen e flakëve. Rreth 5 ha pyll është djegur si pasojë e zjarrit.
Zjarret në Shëngjin e Klos- Ndërkohë prej orës 22:00 të mbrëmjes së djeshme, zjarret vijojnë të jenë aktive në malin e Shëngjinit. Raportohet se nga flakët ka ndodhur një shpërthim dhe se zjarri i është afruar varrezave.
Në terren ndodhen zjarrfikëse nga Lezha, Mirdita, Kurbini, Mati, Tirana si dhe forcat e ushtrisë. Flakët janë favorizuar edhe nga era e fortë. Gjithashtu një zjarr i madh u shfaq këtë të premte në masivin pyjor me pishë në fshatin Patin të Bashkisë së Klosit.
Vatra e zjarrit u përhap me shpejtësi për shkak të erës. Për shkak të mungesës së rrugës automoblisitike, për shuarjen e zjarrit janë përdorur pompa shpine nga zjarrfikësit. 1 hektar pishë mësohet se është përshkuar nga flakët, ndërsa bashkia Klos tha se tashmë vatra është neutralizuar për të mos lejuar përhapjen e mëtejshme të saj.
