Vendoset lëndë plasëse te dy automjete të parkuara në Sauk, Tiranë. Burime për Noa.al bënë me dije se ngjarja ka ndodhur në rrugën “Selim Brahja” në orët e para të mbrëmjes.
Në rrugën dytësore që del për në rrethrrotullimin e Saukut, afër nënkalimit, dyshohet se ka plasur një sasi e vogël lëndë plasëse dhe për pasojë janë dëmtuar dy xhamat e parë të dy mjeteve që ndodheshin të parkuara.
Ende nuk dihen motivet e kësaj ngjarje. Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorit.
