Dy persona kanë mbetur të plagosur në një aksident automobilistik në Elbasan. Ngjarja në fjalë ndodhi në rrugën rurale Elbasan-Shushicë, në fshatin Byshek. Burime zyrtare nga policia bënë me dije se shtetasi me inicialet D.P., 21 vjeç, banues në fshatin Shushicë, duke drejtuar motoçikletën është përplasur me mjetin tip “Benz”, me drejtues shtetasin Xh.C., 53 vjeç, banues në fshatin Shushicë, Elbasan. Për pasojë të dy janë dëmtuar, ndërsa ndodhen nën kujdesin e mjekëve.Aktualisht grupi hetimore ndodhet në vendngjarje dhe po punon për zbardhjen e shkakut të aksidentit.