Princ Leka dhe Elia Zaharia janë bërë prindër për herë të parë, duke i dhënë kështu fund muajve të pritjes së ëmbël, që preferuan ti mbanin në privatësi të plotë. Abc shkruan se Elia ka sjellë në jetë një vajzë pak më parë në maternitetin “Mbretëresha Geraldinë”.
Sakaq, bëhet me dije se çifti e kanë pagëzuar të bijën me emrin Geraldina, nga nëna e Lekës. Vogëlushja gëzon shëndet të plotë dhe mesa duket ky moment është më i rëndësishmi në jetën e çiftit. Elia zgjodhi që gjatë të gjithë shtatzënisë të shmangte daljen e saj publike, duke e shijuar këtë moment të veçantë të gjithin për vete.
