Emri i CEO-s të SpaceX, Elon Musk, është propozuar për çmimin Nobel për Paqen 2024 nga deputeti norvegjez, Marius Nilsen. Nilsen tha se e propozoi Musk për shkak të “mbrojtjes së tij të dialogut, fjalës së lirë dhe mundësimit të të shprehurit pikëpamjet e dikujt” në një “botë gjithnjë e më të ndarë”. Ai vlerësoi blerjen e Twitter nga Musk që tashmë ka marrë emrin X dhe ofrimin e komunikimit satelitor në Ukrainë përmes sistemit të të SpaceX, Starlink.
Nilsen lëvdoi “angazhimin e Musk ndaj fjalës së lirë” dhe theksoi rëndësinë e opinioneve të ndryshme. “Jehonat dhe njerëzit që thonë vetëm ‘po’ nuk sjellin gjithnjë idetë më të mira. Pikëpamjet, opinionet dhe proceset e mendimeve sjellin idetë më të mira”, tha ai. Komiteti i Nobelit në Norvegji, përgjegjës për zgjedhjen e fituesit, pranon nominime nga zyrtarë qeveritarë dhe akademikë.
Emri i Musk ndodhet përballë Julian Assange, Papa Françeskut dhe liderëve të ndryshëm botërorë dhe organizatave joqeveritare.Vitin e shkuar fituesja ishte aktivistja iraniane Narges Mohammadi, e njohur për mbrojtjen e të drejtave e grave dhe lirinë e njeriut në vendin e saj. Shpallja e fituesit të çmimit Nobel për Paqen është planifikuar për në muajin tetor.
