Pasditen e sotme Kuvendi miratoi dekretin e Presidentit Meta për emërimin e Olta Xhaçkës në krye të Ministrisë së Jashtme, si dhe Niko Peleshit në krye të Ministrisë së Mbrojtjes. Në lidhje me këtë fakt ka reaguar dhe ambasadori i BE-së në Shqipëri, Luigi Soreca, i cili përmes një postimi në Twitter, ka uruar dy ministrat e rinj si dhe ka theksuar se pret që të vazhdojnë punën së bashku në rrugëtimin drejt BE-së.
“Urime Olta Xhaçka& Niko Peleshi për emërimin e tyre si Ministra për Evropën & Punët e Jashtme dhe të Mbrojtjes. Presim të vazhdojmë të punojmë së bashku për të ndihmuar Shqipërinë të ecë shpejt në rrugën e saj të BE-së të pranimit. Faleminderit Gent Cakaj për një bashkëpunim të madh”, shkroi Soreca në Twitter.
