Shqipëria nuk ka kapacitete për të pritur ndonjë fluks emigrantësh nga lindja e mesme, në rast se hapet kufiri me Greqinë. Sipas ministrit të brendshëm Sandër Lleshaj, Shqipëria do të ndjekë metodat e shteteve të tjera nëse përballemi me klandestinët.
Shqipëria nuk ka kapacitete për të pritur flukse të mëdha klandestinësh në rast të hapjes së kufirit grek. Kjo u bë e ditur nga ministri i brendshëm Sandër Lleshaj, i cili u shpreh se në rast të ndonjë vale emigrantësh Shqipëria do veprojë si shtetet e tjera evropiane.
Lleshaj: Ne nuk kemi kapacitete për të menaxhuar flukse të mëdhaja, ashtu sikundër nuk i kanë edhe vende shumë herë më të fuqishme sesa Shqipëria. Do të ndjekim atë politikë që po ndjekin vendet e BE. Gjatë diskutimeve në komisionin e integrimit Lleshaj u pyet dhe për operacionin forca e ligjit për të cilin tha se qeveria ishte e detyruar të hartojë për shkak të lirimeve nga burgu të disa individëve të rrezikshëm kriminal.
Pas miratimit të aktit normativ Anti-KÇK qeveria pritet të krijojë Agjencinë për Sekuestrimin e Provave Materiale të Sekuestruara nga agjentët e OFL-së. Sipas drejtorit të kodifikimit në ministrinë e Drejtësisë pasuritë e sekuestruara mund të përdorën pavarësisht procesit që vijon. “Administratori jo vetëm e ruan, por mund tia japë në përdorim një oficeri të policisë” Sipas ministrisë, agjencia do të marrë në dorëzim provat materiale të cilat prokuroritë dhe gjykatat nuk kanë hapësirë për ti ruajtur.
