Një aksident automobilistik i ka ndërprerë në mes jetën, një prej punonjësve tanë të përkushtuar, Pasho Muçaj. Ngjarja e rëndë ndodhi mbrëmjen e djeshme rreth orës 22:20 minuta, kur punonjësi ynë u aksidentua për vdekje nga një automjet në autostradën Lavan-Vlorë.
Pasho Muçaj 50 vjeç, me profesion murator, ishte një nga punonjësit tanë shembullor në Sektorin e Kanalizimeve.
Drejtori i Ujësjellës Kanalizime Vlorë, Shkëlqim Leskaj, shpreh keqardhjen e tij të thellë për humbjen e kolegut , si dhe u qëndron pranë familjarëve të tij në këtë moment tepër të vështirë!
Lamtumirë Pasho! Do të kujtojmë përherë si njeriun e palodhur e fjalëpak!
