Një shpërthim me eksploziv ka tronditur mbrëmjen e kaluar Lezhën. Sakaq, lënda plasëse është vënë pranë një servisi makinash në Ishull-Shëngjin.
Nga shpërthimi raportohet vetëm për dëme materiale, ndërsa mësohet se servisi i makinave është në pronësi të shtetasit Tol Mhillaj.
Ndërkohë, policia ka nisur hetimet për zbardhjen e rrethanave të këtij sulmi me lëndë plasëse.
Informacion paraprak, Në mesnatë, në Ishull Shëngjin, afër portës së servisit të automjeteve në pronësi të shtetasit Tol Mhillaj, 58 vjeç, është hedhur një sasi e vogël lëndë plasëse, ku si pasojë e shpërthimit të saj janë shkaktuar vetëm dëme materiale.
Grupi hetimor vazhdon veprimet hetimore për sqarimin e plotë të rrethanave e motivit të ngjarjes, si dhe identifikimin dhe kapjen e autorit.
