Moti i keq shoqëruar me reshje dhe me stuhi detare, që ka përfshirë Durrësin ka anuluar lundrimin e trageteve nga Durrësi në Bari dhe anasjelltash.
Drejtoria Detare Durrës bën me dije se shpejtësia e erës arrin në 21 nyje detare në orë, ndërsa forca e detit arrin deri në 6 ballë. Sakaq situata dhe lundrimi pritet të kthehet në normalitet gjatë orëve të mbrëmjes.
Mësohet se deri në orët e vona të mbrëmjes së sotme, moti do të jetë problematik në disa zona të qyteteve të ndryshme të Shqipërisë dhe sidomos përgjatë Ultësirës Perëndimore duke sjellë lokalisht dhe reshje intensive, herë pas here shoqëruar me stuhi detare.
“Gjiri i Durrësit vijon të jetë i ndikuar nga kushte hidrometeorologjike të paqëndrueshme, shoqëruar me reshje dhe erë të fortë me drejtim Jug-Jug-Lindje, Jug-Jug-Perëndim dhe shpejtësi që ka variuar nga 24-45 m/s, çka ka bërë që mbrëmjen e kaluar të mos ketë lundrim të trageteve nga Durrësi drejt Barit dhe anasjelltas.
