Është ndarë nga jeta në moshë të re zyrtari i FSHF-së Florian Shkreta. Lajmin e bën të ditur kreu i Federatës Shqiptare të Futbollit Armand Duka, i cili shkruan se Shkreta prej disa vitesh po punonte me futbollin e fëmijëve në projektin Grow për Zyrën Rajonale të FSHF në Tiranë. Burimë bëjnë me dije për Faxweb.al se Shkreta ka ndërruar jetë pas një sëmundje të rëndë nga e cila vuante, ndërsa ka lënë pas dy fëmijë të mitur.
Postimi i plotë i Dukës: Shumë i pikëlluar për lajmin e ndarjes nga jeta të Florian Shkretës. Flori ishte një nga bashkëpunëtorët më të vyer të Federatës Shqiptare të Futbollit dhe punonte prej disa vitesh me futbollin e fëmijëve në projektin Groë për Zyrën Rajonale të FSHF në Tiranë. Një njeri i përkushtuar, serioz në punë e që ka dhënë një kontribut të çmuar për fëmijët, të cilët ai i donte aq shumë. Është e vështirë të gjesh fjalët e duhura në këto çaste. Largimi i tij i parakohshëm nga jeta na ka trishtuar shumë. Dua t’i shpreh ngushëllimet më të sinqerta familjes Shkreta dhe të afërmve të tij. Familja jonë e futbollit do ta kujtojë gjithmonë me respekt e nderim Florianin. Qoftë i paharruar kujtimi yt!
