Drejtori i Institutit Kombëtar të Alergjisë dhe Sëmundjeve Infektive, Dr. Anthony Fauci deklaroi se edhe personat që kanë kaluar koronavirusin, duhet të vaksinohen. Përmes një postimi në “Twitter” Fauci thekson se aktualisht nuk ka ende prova të mjaftueshme për të provuar të kundërtën.
“Ne aktualisht nuk kemi prova të mjaftueshme që provojnë të kundërtën”, -shkroi Fauci në Tëitter nga llogaria e Shtëpisë së Bardhë. Fauci gjithashtu theksoi se të gjithë ata që kanë pasur Covid-19 duhet të vaksinohen.
“Nëse keni pasur Covid-19, përsëri duhet të vaksinoheni. Meqenëse riinfektimi i është i pazakontë 90 ditë pas infektimit fillestar, mund ta shtyni vaksinimin deri në fund të asaj periudhe 90-ditore. Por vaksinimi duhet bërë”, tha ai.
