Gjykata e Shkodrës ka lënë të lirë kundrejt garancisë pasurore dy inspektorët e bashkisë, Bledar Plori dhe Isa Mandija.
Seanca gjyqësore u kryesua nga gjyqtari Hasan Selimi, ndërsa dy të akuzuarit u mbrojtën nga avokati Lulzim Karini.
Ata u arrestuan dy ditë më parë pasi me anë të falsifikimit të dokumenteve kanë shpërdoruar detyrën.
Sipas policisë në këmbim të marrjes së ryshfetit në një subjekt (hotel) në plazhin Velipojë, kanë favorizuar këtë të fundit duke mos deklaruar numrin real të dhomave të këtij hoteli me qëllim mospagimin e taksës reale që përfiton Bashkia Shkodër.
