Categories Lajme

FBI-ja gjen një dokument të klasifikuar në shtëpinë e ish-Nënpresidentit Pence

Byroja Federale e Hetimit (FBI) gjeti të premten një faqe dokumenti qeveritar, që përmbante të dhëna sekrete, gjatë një kontrolli në shtëpinë e ish-Nënpresidentit Mike Pence në Indianapolis. Kontrolli ishte vullnetar dhe FBI-ja kishte marrë për këtë miratimin e zotit Pence.

Kontrolli vjen pasi avokati i zotit Pence, Greg Jacobs, njoftoi Arkivin Kombëtar nëpërmjet një letre më 18 janar, se kishte gjetur dokumente të klasifikuara në shtëpinë e ish-nënpresidentit. Të dhënat më pas i ishin dorëzuar FBI-së.

Pence dhe ekipi i tij ligjor kanë bashkëpunuar plotësisht me autoritetet“, tha zëdhënësi i tij Devin O’Malley.

Përveç gjetjes së një faqeje me shënime që tregonte se të dhënat ishin sekrete, FBI-ja gjeti të premten gjithashtu edhe “gjashtë faqe të tjera dokumentesh qeveritare, jo të klasifikura”, shtoi zoti O’Malley.

Gjatë kontrollit të kryer nga FBI-ja ishte i pranishëm vetëm një anëtar i ekipit ligjor të zotit Pence, as ish-nënpresidenti dhe as bashkëshortja e tij nuk ishin në shtëpi.

Ky zhvillim vjen ndërsa ish-Presidenti Donald Trump dhe Presidenti Joe Biden përballen me hetime nga dy prokurorë të posaçëm lidhur me posedimin e dokumenteve të klasifikuara.

Prokurori i Posaçëm Jack Smith po heton rreth dyshimeve se zoti Trump apo bashkëpunëtorë të tij mund të kenë penguar hetimet që po kryente Departamenti i Drejtësisë lidhur me posedimin e mijëra faqeve në dokumente qeveritare, qindra prej të cilave ishin shënuar si të klasifikuara.

FBI-ja kreu një kontroll të miratuar nga gjykata në rezidencën e zotit Trump në Florida më 8 gusht, ku u gjetën rreth 13,000 faqe dokumente, rreth 100 prej të cilave përmbanin shenja të klasifikuara.

Po kështu në janar Prokurori i Përgjithshëm Merrick Garland emëroi Prokurorin e Posaçëm Robert Hur, pasi ekipi ligjor i zotit Biden gjeti në nëntor dokumente të klasifikuara në një ish-zyrë të tij në Qendrën Penn Biden për Diplomaci dhe Angazhim Global, një institut kërkimor i Universitetit të Pensilvanisë, si dhe dhjetor në shtëpinë e presidentit në Uilmington. /VOA

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Video/Ja momenti kur avokati Sokol Mëngjesi dhunohet para derës së kopshtit

Publikohet video nga momenti kur avokati Sokol Mëngjesi dhunohet para derës së kopshtit. Siç shihet…

LEXO ME SHUME
Categories Lajme

Nëna dhe babai kërkojnë djalin e humbur prej 4 muajsh, i riu i surprizon live: Jam mirë

Mes lotësh dy prindër nga Elbasani, Bujar dhe Fiqerete Çepa mbërritën pasditen e kësaj të…

LEXO ME SHUME
Categories Lajme

FOTO-EMRAT/ Identifikohen 4 autorët që dhunuan avokatin Sokol Mëngjesi

Policia e Tiranës ka identifikuar katër autorët që dhunuan avokatin Sokol Mëngjesin, mëngjesin e kësaj…

LEXO ME SHUME
Categories Lajme

Vlorë/Vijon megaoperacioni policor i koduar “Tempulli 3”Vihet në pranga një 27-vjeçar, të cilit iu gjet në automjet, një sasi lënde narkotike e ndarë në rreth 530 doza

Vlorë/Vijon megaoperacioni policor i koduar “Tempulli 3”, goditet një rast i shitjes së lëndëve narkotike,…

LEXO ME SHUME
Categories Lajme

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2 shtetas

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2…

LEXO ME SHUME