Mikey Poulli, është një fëmijë anglez 8-vjeçar, i cili humbi shikimin vitin e kaluar, si pasojë e një sëmundje të rëndë. Por pavarësisht kësaj, ai nuk hoqi dorë nga pasioni i tij i madh, futbolli. Familja gjeti një skuadër për të verbrit pranë Tottenham Football Club. Trajneri spikati aftësinë dhe kontrollin e topit prej tij, duke e marrë Mikey në skuadër.
Vogëlushi e adhuron futbollin, dhe me pasionin e tij ka treguar se ëndrrat mund të dominojnë përtej vështirësive. Pak kohë më parë një video e Mikey duke lozur futboll, u përhap me shpejtësi, duke bërë që mediat të flasin për të.
