Një tokë shtet e zaptuar ka bërë që prej dy vitesh fermeri Baki Shabanaj, nga fshati Ngjeqar i Rroskovecit të endet ne dyert e institucioneve për ti dhene zgjidhje kësaj situate shqetesuese.
Ai pohon në kulmin e indinjates se nuk mund të shkoje te tokat e tij të mbjella me ullinj për ti vjelë tashme, pasi pengohet e kërcënohet në mënyrë të përsëritur nga bashkëfshatari i tij Haxhi Shabanaj.
“Unë zotëroj 1000 rrënjë ullinj ka thënë fermeri Shabanaj dhe e kam te lidhur jetesën e familjes me prodhimin e tyre, ndaj është e papranueshme të pengohem të shkoj te tokat e mia, të cilat i disponoj me dokumentacion të rregullt e madje jam dhe taksapagues korrekt .
Ky kërcënim i vazhdueshem ka bërë që të kemi edhe përplasje verbale e fizike” ka thënë Shabanaj, ndërkohë që ka theksuar se pavaresisht kallëzimeve të përsëritura prane komisariatit të policise në Rroskovec, nuk është marrë asnjë mase duke u ndierë vazhdimisht i kërcënuar per jetën. Ndërkohë problemi është i njohur edhe për bashkinë, specialistet e së ciles kanë parë nga afër situatën në terren duke bërë edhe matjet përkatëse, nga ku ka rezultuar se një pjese toke e zaptuar, nuk figuron me dokumenta të rregullta e pavarësisht kësaj situata vijon të mbetet e pandryshueshme. “Une nuk mund te pres vendimin e gjykates- ka thënë fermeri pasi tashme ka filluar sezoni i vjeljes se ullinjve dhe duhet te kaloj lirshem ne pronen time”
Përballë kësaj situate Shabanaj apelon per zgjidhjen e shpejte pasi ky ëshët një shqetësim edhe i shumë fermerëve të tjerë, të cilët nuk mund të shkojnë në tokat e tyre.
