Ministrja e Drejtësisë, Etilda Gjonaj, i ka dhuruar të dielën një dhuratë të veçantë për festat e fundivitit zonjës Genoveva Ruiz Calavera, shefe e Operacionit Ndërkombëtar të Monitorimit (ONM) dhe zonjës Michela Matuella, shefe e Njësisë për Shqipërinë dhe Bosnje-Hercegovinën në Drejtorinë e Përgjithshme për Politikat Evropiane të Fqinjësisë dhe Negociatat e Zgjerimit. Dhurata, spila të punuara me dorë, u realizuan nga gratë që ndodhen në Institucionin e vuajtjes së dënimit penal dhe ministrja e Drejtësisë ia dhuroj dy zonjave që janë duke luajtur një rol të rëndësishëm në vendin tonë sa i takon procesit të integrimit në BE dhe Reformës në Drejtësi “Një dhuratë të veçantë për festat e fundvitit për Znj. Ruiz Calavera dhe Znj. Matuella, spila të punuara me dorë nga gratë që ndodhen në burgje. Krijimtaria bashkon përtej diferencës së rrethanave, “madeinprison.al””-, njoftoi ministrja Etilda Gjonaj.
