Pronarët e dy lokaleve në Shkodër janë gjobitur me nga 1.000.000 lekë pasi janë konstatuar duke ushtruar aktivitet në kundërshtim me Aktin Normativ në lidhje me Covid-19.
Policia bën thirrje për pronarët dhe administratorët e subjekteve që ushtrojnë aktivitete, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19. Personat e gjobitur janë I.I. dhe M.B
Shkodër Policia e Shkodrës ka ndëshkuar me nga 1.000.000 lekë gjobë, pronarët e dy lokaleve, pasi u konstatuan duke ushtruar aktivitet në kundërshtim me Aktin Normativ. Shërbimet e Komisariatit të Policisë Shkodër, në vijim të kontrolleve të ushtruara në subjekte të ndryshme, me qëllim parandalimin e përhapjes së COVID-19, kanë konstatuar dy lokale në të cilët ishin organizuar ceremoni festive në kundërshtim me Aktin Normativ, duke mos respektuar protokollet e sigurisë.
Shërbimet e Policisë i kanë vendosur pronarëve të subjekteve, shtetasve I. I. dhe M. B., masën administrative 1.000.000 lekë secilit. Policia e Shkodrës apelon për të gjithë pronarët/administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19.
