Vesa ka publikuar në profilin e saj të Instagramit disa foto të Lianit, i cili shfaqet i lumtur pranë tortës së ditëlindjes. Torta është e personalizuar me “Derkucen Pepa”, një serial vizatimor shumë i pëlqyer nga fëmijët, siç duket dhe nga vogëlushi.
Këngëtarja e ka uruar të birin me fjalët më të ëmbla, duke treguar sa krenare është për të. “Jeta ime gëzuar 4-vjetorin. Nuk di të zgjedh fjalët e duhura në ditë si këto, por kur më thua çdo natë ‘Të dua shumë mami, je më e mira në botë, ti je heroina ime’, aty unë mbyll sytë dhe përulem ndaj Zotit dhe lutem që të të kemi aq të mirë e të dashur dhe me çdo gjë perfekte që të rrethon. Paç shëndet e fat gjithmonë në jetën tënde. Mami dhe babi janë shumë krenar me ty. Faleminderit shumë të gjithëve për çdo urim e dashuri që na jepni për Lianin çdo ditë. Na mbushni me jetë, paçit jetë të lumtur pranë familjeve tuaja përgjithmonë. Ju duam”, shkruan Vesa.
