Çmimin Nobel për Letërsinë këtë vit e ka fituar poetja amerikane, Louise Glück. Ajo është e para amerikane që e fiton këtë çmim prestigjioz prej 27 viteve. Glück e ka fituar çmimin për “zërin e saj poetik të pa ngatërrueshëm dhe bukurinë e vrazhdë të veprës, që e bën ekzistencën individuale, universale”. Ky çmim i rezervohet personave që kanë “prodhuar në fushën e letërsisë, punët më të jashtëzakonshme në një drejtim ideal”.
Glück është një prej poeteve më të suksesshme amerikane. Ajo ka fituar gjithashtu çmimin Pulitzer dhe National Book Award. Vitin e kaluar fitues i çmimit Nobel për Letërsinë ishte Peter Handke, që shkaktoi shumë polemika, për faktin se ka qenë mbështetës i serbëve në luftën jugosllave të 1990 dhe gjithashtu mbajti një fjalim në funeralin e famëkeqit Slobodan Milloshevic.
