Fjolla Morina ka qenë në qendër të mediave rozë këto kohë, për shkak të arrestimit dhe lidhjes së saj të re. Menjëherë pas ngjarjes së bujshme, këngëtarja bëri publike lidhjen me biznesmenin Fisnik Syla. Ajo ka treguar se ndihet shumë e lumtur mjaft tij, sepse ai e ka mbështetur si në momente të mira dhe në ato të këqija.
Fjolla duket se po jeton momentet më të lumtura në krahë të tij dhe nuk nguron që ta dëshmojë këtë gjë. Çdo ditë ajo surprizohet nga Fisniku, i cili e përkëdhel këngëtaren me dhurata të ndryshme. Por së fundmi ‘’Telegraf ‘’ ka mësuar se çifti do të kurorëzojnë dashurinë e tyre në fillim të muajit dhjetor . Çifti kanë menduar organizimin e dasmës së tyre në Shqipëri, ku Fjolla edhe aktualisht vuan dënimin e masës “arrest shtëpie’.
Ceremonia do të jetë private dhe me jo shumë persona të ftuar, nën respektimin e masave pandemike. Mësohet se për fustanin e bardhë të Fjollës do të kujdeset stilisti i saj i besuar i shumë paraqitjeve të këngëtares ndër vite, Mr. Rex. Ky i fundit ka udhëtuar nga Gjermania për në Shqipëri për veshjet e çiftit, teksa ndodhej i karantinuar në shtetin gjerman.
