Zv ministrja e Shëndetësisë Mira Rakacolli, në mbledhjen e përjavshme të Komitetit Teknik të ekspertëve, u pyet nga gazetarja e FaxNews Fiona Çela, në lidhje me raportimet e vdekjeve Covid dhe mënyrën e plotësimit të kartelave kur kanë sëmundje bashkëshqërues. Në lidhje me këtë pyetje, Rakacolli pohoi se mjekët plotësojnë me përgjegjshmëri kartelën e të ndjerit dhe më pas është Ministria e Shëndetësisë ajo që bën raportimin sipas kartelës që i vjen nga mjeku. Për sa i përket rimbursimit të barnave për Covidin, Rakacolli u shpreh se skema është e njëjtë me rimbursimin e ilaçeve të tjera ku në qendër qëndron mjeku i familjes, i cili është porta që pret qytetarët.
“Në lidhje me problemin e raportimit të vdekje mund t’ju them se vdekjet raportohen me shumë përgjegjësi. Janë mjekët ata të cilët e plotësojnë me ndjeshmëri dhe me përgjegjshmëri kartelën e pacientit. Ministria e Shëndetësisë raporton me përgjegjhmëri atë që raporton mjeku në kartel. Ashtu si merren medikamentet me rimbursim në sistemin shëndetësor ashtu merren dhe rimbursimet për Covidin. Mjeku i familjes është thelbi”, tha Rakacolli.
