Shoferi i ambulancës që përplasi fëmijën 10-vjeç Samuel Ndoji në Kakavijë do të qëndrojë në bu rg pa afat. Masa e sigurisë për Armir Golemin është dhënë ditën e sotme nga gjykata e Gjirokastrës. Ai mësohet të ketë thënë në dëshminë e tij se ka qenë brenda normave të lejuara të shpejtësisë dhe se fëmija i ka prerë rrugën.
Shoferi eshte shprehur mjaft i penduar per ate qe ndodhi.
“Po nxitoja për të çuar në spital të sëmurin, fëmija më preu rrugën. Isha duke ecur me 75 km/orë. Nuk do të doja të kishte ndodhur kurrë kjo që ndodhi””, ka thënë ai para togave të zeza. Shoferi është shprehur se në automjet në momentin e përplasjes kishte një të sëmurë dhe nxitonte për ta çuar në spitalin e Gjirokastrës.
Avokati i të pandehurit Çlirim Rabaj theksoi se klienti i tij ka qenë brenda normës së shpejtësisë së lejuar dhe se për këtë fakt ai veçse ka zbatuar rregullat e vendosura. Golemi akuzohet për shkelje të rregullave të qarkullimit rrugor me pasojë vdekjen e fëmijës.
Qeveria ka vendosur t’i vijë në ndihmë familjes së 10-vjeçarit, duke asistuar me një shumë prej 500.000 lekësh të rinj. “Sot vendosëm që si qeveri të asistojmë familjen e të miturit që humbi tragjikisht jetën pasi i preu rrugën autoambulancës në Kakavi, me një shumë prej 500.000 lekësh të reja, duke i rishprehur dhe njëherë familjes ngushëllimet tona më të ndjeraEngjëlli i vogël u dhëntë forcë”, shkruante dje Rama
