Fluks në këtë fundvit në portin e Vlorës. 1200 persona kanë mberritur me tragetin e linjes Vlorë-Brindizi në dy ditet e fundit. Fluksi i lëvizjes në portin e Vlorës ka shënuar rritje të numrit të pasagjereve që kanë mbërritur nga vendet fqinje kryesisht Italia për të kaluar festat e fund vitit. Mbi 1200 persona është numri i personave që kanë mbërritur në portin e Vlorës, ndërsa në rritje në këto ditë të fundit të vitit është edhe numri i pasagjerëve në ikje, me shifrat që shkojnë në rreth 600 persona. Autoritet portuale kanë konfirmuar se këtë dhjetor, fluksi është rritur me rreth 10-deri në 15% me shumë krahasuar me një vit më parë.
Festim Skendaj, shef i përpunimit të tragëteve në portin e Vlorës, konfirmon se fluksi pritet të vijoje i tille edhe në ditët e mbetura të dhjetorit, referuar prenotimeve, madje deri në datë 31 dhjetor. Në dy ditët e fundit fluksi në port ka shënuar rritje. Vetëm këtë mëngjes, me tragetin e linjes Vlorë-Brindizi kanë mbërritur rreth 400 persona, ndërsa mbi 800 kanë mberritur një ditë më parë. Vetë pasagjerët konfimojnë se nuk kanë hasur probleme, me përjashtim të faktit që udhëtimi ka zgjatur dhe për shkak të motit të përkeqësuar dhe detit me dallgë. Trageti i linjës Vlorë-BrindiZi ka mbërritur në port vetëm rreth ores 9 e 30 minuta. Ndërkohë në port po punohet aktuialisht me 10 sportle, nga katër të tillë që funksionojnë në ditë të zakonshme të vitit./VloraNews.al
