Në Kinë, një park tematik është shënjestruar nga kritikët në mediat sociale për lëshimin e një derri të gjallë nga një lartësi prej 68 metrash me rastin e inagurimit të kërcimit të ri bungees.
Videot virale tregojnë kafshën 75 kg të lidhur në një shtyllë në majë të një kulle. Më pas dy burra e shtyjnë dhe e hedhi në zbrazëti. I tmerruar, derri ulërinte tërë kohën.
Akrobacia e kontestuar e parkut tematik “Meixin Red Ëine Toën” në qytetin Chongqing (Kina juglindore), gjithashtu u vu në skenë për të festuar fundin e vitit të derrit dhe fillimin e vitit të miut.
“Shkëputja në zbrazëti” shkaktoi një valë zemërimi në të gjithë botën edhe për shkak se derri pas fluturimit mbeti i shtrirë, pa vetëdije dhe u dërgua në thertore.
Parku iu përgjigj sulmeve sociale me një deklaratë: “Ne pranojmë sinqerisht kritikat dhe këshillat e marra dhe i kërkojmë falje publikut. Ne do ta përmirësojmë marketingun tonë për t’u ofruar turistëve shërbime më të përshtatshme”.
