Aleanca për Mbrojtjen e Teatrit ka publikuar një dokument që tregon se afati për tenderin e shpallur nga bashkia për ndërtimin e teatrit ka skaduar. Bashkia e Tiranës shpalli gjatë verës vendimin për tenderin e teatrit, por siç shihet nga fotot e publikuara, nuk është bërë asnjë kërkesë nga ndonjë kompani për marrjen përsipër të projektit. Aleanca shprehet se kjo është një përpjekje për të grabitur pronën publike dhe nuk ka asnjë projekt apo ofertë.
Deklarata e plotë e AMT: Prej një muaj ka skaduar afati për shpalljen e vendimit të tenderit mbi projektin e Teatrit, që Bashkia shpalli gjatë verës. Megjithëse kemi bërë një kërkesë për informacion për të marrë të gjithë dokumentet e paraqitura për tenderin, në shkelje të ligjit Bashkia refuzon ti dorëzojë ato. E vërteta është që nuk ka as projekte, e as oferta, thjeshtë një përpjekje banale për të grabitur truallin publik nga dyshja Rama-Veliaj dhe klientët e tyre.
