Dhjetëra qytetarë janë mbledhur sot në sheshin Skënderbej duke ndezur qirinj në shenjë nderimi për jetët e humbura nga lufta në Ukrainë.
Ata kanë formuar mesazhe domethënëse me qirinjtë e vendosur në shesh.
Lufta në Ukrainë është futur në muajin e dytë të saj. Përveç bombardimeve, tashmë ukrainasit kanë nisur të përballen me një tjetër “armik”.
Autoritetet thonë se njerëzit kanë filluar të vdesin nga uria dhe dehidratimi pasi furnizimet me ushqim dhe ujë janë të pakta dhe nuk lejohet futja e ndihmave humanitare.
