Floresha Rasha është shtetasja e parë Shqiptare që u nxor nga kampet e Sirisë, për tu riatdhesuar në Shqipëri pasditen e të martës 27 Tetor 2020.
Imazhi i saj ka qenë tërësisht i panjohur. Në filmimet e Top Channel nga Libani ku ajo qëndroi dy ditë përpara ardhjes në Shqipëri, Floresha mban një maskë e cila e mbulon portretin e saj.
Por kjo foto e siguruar nga Top Channel tregon momentin ku Floresha nënë e tre fëmijëve, merret nga kampi Roj prej misionit shqiptarë në Siri.
Sonte ora 20:15 në Exclusive në Top Channel ajo në një intervistë dhënë gazetarit Muhamed Veliu, tregon me detaje jetën e një gruaje shqiptare nën rregullat e Shtetit Islamik. Floresha flet edhe për qëllimin e vajtjes së bashkëshortit Shkëlzen Dumani në Siri dhe se si rrodhën ngjarjet për të dhe fëmijët.
