Një mosmarrëveshje banale midis dy fqinjëve e ka kthyer një rrugë të qetë banimi në një destinacion turistik që është bërë shpejt viral, shkruan faqja e internetit today.it. Pema e prerë përgjysmë, në periferi e Shefildit ka qenë motivi i kësaj zënke mes fqinjësh. Pema që dikur qëndronte në kopshtin e familjes Mistry, në fakt ishte prerë në pjesën që shfaqej mbi shtëpinë e fqinjëve pasi banorët u ankuan për zogjtë që folezuan atje.
”Ne ishim miq shumë të mirë”, u tha gazetave britanike 56-vjeçari Bharat Mistry, pronar i lëndinës së vogël ku qëndron pema.
“Ka qenë atje që kur u ndërtua shtëpia dhe kurrë më parë nuk kemi pasur ndonjë problem të madh. Por, kopshtarët brenda natës erdhën dhe prenë gjysmën e pemës. Ne nuk kemi biseduar me njëri-tjetrin që nga ajo kohë”, theksoi ai.
Padyshim që zogjtë janë kthyer, problemet e fqinjit me dëmtuesit kanë mbetur dhe ka gjithashtu një turmë vëzhguesish që tani kanë zgjedhur pemën si një selfie pas fotot e bimës janë shpërndarë në internet.
