Një aksident automobilistik ka ndodhur pasditen e sotme te mbikalimi në Vorë. Burime zyrtare nga policia bënë me dije se shtetasi me inicialet L. B., 25 vjeç, duke drejtuar një “Peugeot”, dyshohet se ka humbur kontrollin e mjetit duke dalë nga rruga.
Si pasojë janë dëmtuar drejtuesi i automjetit dhe dy pasagjerët, shtetasit M. Gj., 22 vjeç, dhe A. Gj., 23 vjeç, (vëllezër) të cilët ndodhen në spital, nën kujdesin e mjekëve.
Njoftimi i policisë
Më datë 19.04.2023, rreth orës 18:50, te mbikalimi në Vorë, shtetasi L. B., 25 vjeç, duke drejtuar automjetin tip “Peugeot”, dyshohet se ka humbur kontrollin mbi drejtimin e tij dhe automjeti ka dalë nga rruga.
Si pasojë janë dëmtuar drejtuesi i automjetit, shtetasi L. B., dhe dy pasagjerët, shtetasit M. Gj., 22 vjeç, dhe A. Gj., 23 vjeç, (vëllezër) të cilët ndodhen në spital, nën kujdesin e mjekëve.
Grupi hetimor po punon për sqarimin e rrethanave të aksidentit.
