Prej gati dy javësh banorët e zonës së ‘Astirit’ kanë vijuar edhe sot protestën e tyre për të kundërshtuar prishjen e shtëpive.
Sonte banorët e revoltuar treguan se një punonjës i policisë u ka shkuar tek disa prej tyre dhe i ka lajmëruar ata të zhvendosin automjetet që i kanë në oborret e banesave të tyre sepse aty do të ndërtohet një shesh ku do të qëndrojnë fadromat dhe makineritë e tjera që do të merren me ndërtimin e Unazës së Madhe të kryeqytetit.
Sot banorët kanë bërë kallëzim penal në Prokurori për kryebashkiakun Erion Veliaj, të cilin e akuzojnë për fyerje. ARRSH nga ana tjetër ka ftuar për bisedime një përfaqësi të banorëve. Këta të fundit kërkojnë dëmshpërblim në masën 100%, duke mos pranuar propozimin e qeverisë për kompensim të qirasë për tre vjet dhe kredi të butë.