Cristiano Ronaldo po mendon për të ardhmen, jo në fushën e blertë por në atë të biznesit. Futbollisti i Juventusit po planifikon të hapë një hotel luksoz me vlerë 27 milionë sterlina me pamje nga zona e famshme Piccadilly të Manchesterit. Lojtari i Juventus-it, në bashkëpunim me kompaninë e turizmit “Pestana” do të çelë dyert e hotelit luksoz, i cili do të përfshijë edhe një bar në tarracë. “CR7 Pestana” do të nisë aktivitetin në vitin 2023 pas sukseseve me hotelet e mëparshme në Madeira, Lisbon, Madrid, Nju Jork, Marrakesh dhe Paris.
Një postim në faqen e internetit të Pestana shpjegon pse sulmuesi donte ta bënte Manchesterin shtëpinë e hotelit të tij të rradhës. Hoteli është projektuar me një kullë 11-katëshe dhe do të jenë 151 dhoma.
