Vijon puna në Atelienë e konservimit të mozaikëve të shkëputur në Parkun Arkeologjik të Apolonisë nën drejtimin e ekspertëve nga Instituti i Monumenteve të Kulturës, Universiteti i Bolonjës, departamenti i Trashëgimisë Kulturore dhe Fondacioni Flaminia.
Pjesëmarrësit në Punëtorinë e konservimit të mozaikëve – Apoloni 2019, janë duke ndjekur proceset e dokumentimit dhe konsolidimit të mozaikut, si dhe paneleve të shkëputura në laborator.
Ditën e sotme, grupi i punës është duke përgatitur panelet e reja për vendosjen e mozaikut. Procesi fillon me skicimin e formave të mozaikut, që do i korrespondojë formave të paneleve të rinj, që u prenë sot.
Në ditën e dytë u kryen proceset e dokumentimi fotografik të pjesëve të mozaikut, ndarja më pas në katër seksione (A-D) për t’u përgatitur në vazhdim për vendosjen në panele dhe pastrimi i pjesëve të mozaikut nga papastërtitë.
Të rinj italianë dhe specialistë të sistemit të trashëgimisë kulturore kanë nisur “Workshop-in në restaurimin e Mozaikëve mbi Konservimin didaktik të mozaikut të ambientit 11, sektori D” i cili do të zhvillohet në datat 5-7 nëntor 2019.
