Vazhdojnë të shpërndahen në Slloveni tekstet mësimore të dërguara nga Qendra e Botimeve për Diasporën në bashkëpunim me Ministrinë për Evropën dhe Punët e Jashtme dhe nën kujdesin e Ministrit të Shtetit për Diasporën.Shoqata Kulturore Shqiptare “Iliria”, që vepron në Kopër të Sllovenisë u pajis me tekste nëpërmjet ambasadës atje.
Në prani të kryesisë të Shoqatës Kulturore Shqiptare “Iliria”, Kopër, ambasadori Pëllumb Qazimi dorëzoi për kryetarin e Shoqatës, Heset Ahmeti tekstet mësimore dërguar nga Zyra e Ministrit të Shtetit për Diasporën dhe Ministria për Evropën dhe Punët e Jashtme për mësimin plotësues në gjuhën shqipe me fëmijët shqiptarë.Kryetari Heset Ahmeti e falenderoi ambasadorin e Republikës së Shqipërisë për tekstet e dorzuara si dhe për mbështetjen e vazhdueshme të tij ndër vite që i ofron Shoqatës Iliria dhe komunitetit Shqiptar në Slloveni.
