Ditën e sotme Presidenti i Kosovë, Hashim Thaçi ka mbajtur një konferencë për media ku ka folur edhe për udhëtimin e tij dhe Kryeministrit Avdullah Hoti më 27 qershor në Washington, për të përfaqësuar palën kosovare në bisedime me palën serbe në Shtëpinë e Bardhë me Presidentin amerikan Donald Trump.
Ndryshe, i emëruari i Shtëpisë së Bardhë për dialogun ndërmjet Kosovës dhe Serbisë, Richard Grenell, njoftoi se qeveritë e këtyre dy vendeve janë pajtuar që të takohen më 27 qershor në Shtëpinë e Bardhë, pasi palët janë pajtuar që t’i heqin pengesat për dialog.
“Siç jeni të informuar Institucionet e Kosovës pas festës për takim nga Shtetet e Bashkuara të Amerikës, të Presidentit Trump, Konkretisht të dërguarit ambasadorit Grennel , për të vazhduar dialogun në Shtëpinë e Bardhë jam përgjigjur pozitivisht dhe mirëpresim këtë hap të rëndësishëm e të drejtë të SHBA me besim të plotë se është koha të lëvizim përpara si shtet. Por edhe për paqe si vend dhe rajon në Ballkanin Perëndimor.
Qytetarët e meritojnë progresin dhe jetën në prosperitet, rritjen e ekonomisë dhe krijimin e më shumë vendeve të punës. E për të zhvilluar sa më shumë ekonominë natyrisht duhet të mbyllen çështjet e hapura që pengojnë zhvillimin ekonomik.”– tha Thaçi.
