Leo Mesi i shkakton vuajtje çdo kundërshtari dhe kjo tashmë dihet. Klasi i argjentinasit është i lartë, ndërsa nuk kanë qenë të pakta rastet kur kundërshtarët në përpjekje për t’i rrëmbyer sferën, kanë përfunduar të turpëruar me topin që iu kalon poshtë këmbëve.
Një nga këta futbollistë që e ka provuar shijen e hidhur të driblimeve të Mesit është edhe Milner. Britaniku e ka pasur përballë ‘pleshtin’ si me fanellën e Mançester Sitit, ashtu edhe me atë të Liverpulit.
Së fundmi, Milner është shprehur se Mesi rrezikon të bëjë të dukesh budalla në fushë.
“ Ai të detyron të vraposh me shpejtësinë maksimale dhe të duhet të qëndrosh gjithnjë me këmbët e mbyllura. Përndryshe rezultati është gjithnjë i njëjtë. Rrezikon të bëjë të dukesh budalla”, u shpreh Milner.