Gazetari i Radio Televizionit të Kosovës, Fisnik Durguti, ka treguar eksperiencën e tij me Covid, duke nxjerrë të gjitha faturat e ilacceve dhe trajtimeve që ka bërë së bashku me nënën e tij. Durguti ka thënë se për barna, analiza, shpenzime në spital dhe për aparatin e oksigjenit kanë shpenzuar rreth 2 mijë euro. Ai iu është drejtuar qeveritarëve duke u thënë se a i kishin parasysh këto shpenzime kur hartuan planin e rimëkëmbjes për pandeminë e koronavirusit.
“Po i bëj publike shpenzimet e shërimit nga COVID 19, kryesisht për dy persona, për mua dhe nënën time,(dhe disa analiza të gruas) jo për tjetër por për t’i treguar pergjegjësve të shtetit sa i kushton një familje sherimi në shtëpi dhe cila është ndihma e shtetit për ata që shërohen në shtëpi?
Po, 50 euro për mua dhe 100 euro për nënën nga Shpend A. Ahmeti, po nga qeveria e Avdullah Hotit? “zero”. Deri sa shpenzimet janë 1.444,70 euro për barna dhe analiza + rreth 400 euro shpenzimet e infermierit, + 50 euro për aparatin e oksigjenit, pra në total rreth 1.890 euro.( ka ende por nuk i kam ruajtur disa fatura)
A e keni mendu se si mundë t’i mbuloje një familje këto shpenzime? Kur e bëtë ligjin për rimëkëmbje, a e keni menduar këtë kategori që shërohet në shtepi pasi që spitalet janë plotë”,– ka shkruar Durguti.
