Gazetari Enton Abilekaj ka reaguar lidhur me njoftimin e ambasadës amerikane në vendin tonë për protestën e paralajmëruar në 17:00 të kësaj të Mërkure. Në një njoftim zyrtar, ambasada amerikane “këshillon qytetarët amerikanë të shmangin çdo tubim të madh në qytet” dhe në mënyrë të habitshme njofton se protestën kundër rritjes së çmimeve e organizon PD. Në fakt, protesta është thirrur në rrjetet sociale. Në një postim në FB, gazetari konfirmon se do të marrë pjesë në protestë. Ai shpërndan reagimin e ambasadës dhe shprehet se “ata qe japin mesazhe te tilla, false, mashtruese, nuk kane as skrupulozitetin e zyres se shtypit te Kryeministrit, as dinjitetin e ushtarit te fundit te Rilindjes”.
Reagimi: Në reagimin e tij, Abilekaj shkruan: Sot do te jem tek protesta pikerisht sepse nuk e ka thirrur Partia Demokratike. Ata qe japin mesazhe te tilla, false, mashtruese, nuk kane as skrupulozitetin e zyres se shtypit te Kryeministrit, as dinjitetin e ushtarit te fundit te Rilindjes. Ky turp nuk do me ndaloje te dal sot ne 17.00 qe rrjepja e shumices absolute per llogari te nje klike hajdutesh pa fre, te mos kaloje ne heshtje dhe varferia te mos behet standart. Kete mesazh po e printoj qe ta perdorim bashke me protestuesit e tjere per te “djegur” Tiranen.
